தேடல் - வளர்பிறை

எனக்கான தேடல்களில்
தொலைந்து போகிறேன்;
இப்பொழுது
என்னையும் தேடி!

- வளர்பிறை.

பாறை - வளர்பிறை

பாறையாக கிடக்கிறேன்
இதயம் கல்லாக;
செதுக்க நினைக்கிறார்கள்!
உடைகிறது உளிகள் மட்டுமே!

உடைந்து உடைந்து
உதிரும்
உளிகளுக்கு
இக்கல்லிருந்து
கசியும் இக்கண்ணீர்த்துளிகள்
சமர்ப்பணம்!

- வளர்பிறை

அறிந்தும் அறியாததும் - மீனா

அர்த்தமின்றி உன்னுடன்
ஆயிரம் முறை பேசியிருக்கிறேன்;
ஆனால்
ஒரு முறை கூட நினைக்கவில்லை
உன்னை மட்டுமே
நினைக்கப் போகிறேன்
என்று...

- மீனா.

கொடுத்துவைத்தவை எழுத்துக்கள்!

புதிதாய் பிறந்த உன் வயதுக்கு
செல்லமாய் ஒரு "ஹலோ"!
வாழ்த்து மடல் எழுதி யோசித்தேன்
கொடுத்து வைத்தவை
என் எழுத்துக்கள்!!

வாழ்த்துக்கள் கண்டதும்
புன்னைகைக்கும் உன் இமை
பார்த்து ரசிப்பது என்னவோ
எழுத்துக்கள் மட்டுமே...

- மீனா.